سوداني نت:
أثار منشور لشاب سعودي في مجموعة سودانية على الفيسبوك إسمها (زول سفر Zool sfr ) لغطاً واسعاً بين أعضاء المجموعة.
واتهمت مجموعة من العضوية، الأخرى بالتنمُّر على الشاب السعودي الجنسية، وذلك بعد كتابته منشوراً في المجموعة رصده محرر “سوداني نت” يستشير فيه أعضاءها بنصحه لبلد يمكن أن يسافر إليه بصحبة زوجته السودانية ويكون رخيص التكلفة، فكتب:
“سلام عليكم ورحمة والله وبركاته
حبيت اصبح على الجميع انا شخص سعودي وزوجتي سودانية مقيمة في السعودية اقامة دائمة احتاج مساعدتكم باقتراح مدن وبلدان يمكن زياتها بدون فيزا سياحية وبدون طلبات معقدة فارجو المساعدة بنسبة لي زوجتي بخصوص الفيزا وشكراً واتمنى تكون البلد الي تقترحوها حلوه وفيها فعاليات وتكون رخيصة مثل اندونيسيا وشكراً لتفاعلكم معايا 🌷”
وانهالت عدة تعليقات ساخرة على كاتب المنشور تستغرب أن يكون سعودياً ويبحث عن دولة رخيصة، وصلت حد وصفه بالبخل من البعض، حيث جاء بعضها كما يلي:
“سعودي ورخيصه ماقدرتا ابلعها”
“ووااي من البخل يخسي”
“انت شخص سعودي و بتفتش عن الرخيص
افاااا عليك 😂😂😂😂😂😂😂😂😂”
“تكون رخيصة 😂😂 يا راجل”
“انصحك ب ايران ف الاكشن وايد هاالايام 💖”
ومن جانب آخر تصدى عدد كبير من أعضاء المجموعة لهذه التعليقات الساخرة والمسيئة والتي وصفوها ب”التنمر”، كما تعاطف غالبية أعضاء المجموعة مع الشاب السعودي وتقدموا له باعتذار وتمنوا له رحلة سعيدة له ولزوجته السودانية، ووجه له بعضهم دعوات استضافة مجانية، وكان بعضها فقط بحسب رصد محرر “سوداني نت” كما يلي:
“اغلب السعودين ماخدين عننا فكرة جميلة على اننا ناس فاهمين وطيبين ومثقفين بسىمع كومنتات بعض الناس للاسف ثبت ليهم العكس بالله اظهرو بمظهر كويس بلاش الكومنتات السخيفة دي”
“ليه كميه التنمر دي!!! الناس المبسوطة من انها بتتمسخر دي مفروض تراجع نفسها والله..
It’s not funny at all..”
“بالنسبه للناس العبيييييطة البتقول ليه سعودي و عايز اسعار مناسبه خير ان شاءالله انتو هبل؟! يعني اي سعودي لازم يكون غني ؟! اي زول في العالم بسافر حسب امكانياتو و ميزانيتو تغيظو ياخ”
“ثقافة الردم لاي منشور في السودان دي بقت حاجة مؤذية شدييد جدا ياااخ..
ربنا يسعدكم يارب و رحلة سعيدة و ممتعة 🌹”
“انا متبرع ليكم بي رحلة لي قرارويت وسرمتاي وقوقايت وكليناييب😊💖”
إضغط هنا للإنضمام إلى مجموعتنا على الواتساب
